Amigurumi PuLpO

Aquí vos presento unha das miñas últimas criaturas...un pulpo!

Por suposto cos seus oito tentáculos...mirade que grande!

Camisola

 Aínda non sei moi ben que pensar deste experimento...tiña un retal de punto dunha tea antiga que sempre miraba pero non me decidía a coser. Finalmente acordei facer unha camisola sinxela, mais resultou ser un pouco sosa...como de avoa outra vez!

Así que nunha arroutada collín e fíxenlle un buraco na espalda, cun canaliño e goma por dentro pensando en que non abrira demasiado...

Aínda así non me convencía, e como me sobrara un anaco do retal engadinlle uns petos que fixen máis ou menos así:

 O bo é que cosín por primeira vez un colo con tapeta e quedei contenta cos petos...pero foi un pouco unha tolemia!

Que vos parece?

Pasade a ver o que se cose no Rums!!

Un portamoedas para a miña nai

Ultimamente non tiven moito tempo para colgar cousas por aquí, pero a miña nai estivo de cumpre e quixen facerlle un agasallo. Pensei que unha carteiriña de ganchillo estival sería boa idea...

Fun improvisando o patrón sobre a marcha e púxenlle un forriño de tea para que non perda nada cando a leve á praia...ten o tamaño xusto para gardar o móbil e os cartos.

Agora só falta que veñan días tan bos como os desta fin de semana!
Que teñades un bo luns!